U kap duke vjedhur në pikën e këmbimit valutor, arrestohet 19-vjeçari në Durrës
Nga OraNews Përditësimi i fundit 20 Janar 2022, 12:42
Policia e Durrësit ka vënë në pranga një 19-vjeçar i cili është kapur duke vjedhur në një pikë këmbimi valutor.
Blutë e Durrësit bëjnë me dije se u bë arrestimi i shtetasit I. Ç., 19 vjeç, banues në fshatin Kullë, Durrës, pasi është kapur nga shërbimet e Policisë, duke vjedhur një shumë parash në pikën e këmbimit valutor në pronësi të shtetasit E. V.
Në cilësinë e provës materiale u sekuestrua një shumë parash.
Materialet i kaluan Prokurorisë, për veprime të mëtejshme.
