Aksident tragjik në Lezhë, makina përplaset me avllinë, vdes 24-vjeçari dhe e fejuara e vëllait
Nga Elvis Hila Përditësimi i fundit 25 Dhjetor 2021, 20:03
Dy të rinj humbën jetën në një aksident tragjik të Tale të Lezhës.Ngjarja ndodhi rreth orës 19:00 të së shtunës në rrugën e hidrovorit. Viktimat janë Kristjan Margjoni 24-vjeç dhe e fejuara e vëllait të tij Atjola Ademi 16-vjeç.
Automjeti tip "Pegoit" drejtohej nga Kristjan Margjoni i cili humbi kontrollin dhe u përplas me murin rrethues të një banese që ndodhej në anë të rrugës.
Goditja ka qenë e fortë, duke ju shkaktuar plagë të shumta dy të rinjëve të cilët gjetën menjëherë vdekjen në vendin e ngjarjes.
Për nxjerrjen e trupave të viktimave u desh ndërhyrja e zjarrfikësve, për shkak të dëmtimeve të shumta që kishte pësuar makina.
Policia e cila mbërriti menjëherë në vendin e ngjarjes nisi hetimet për zbardhjen e shkaqeve të këtij aksidenti.
Nga të dhënat paraprake dyshohet se shpejtësia dhe mungesa e sinjalistikës u bë shkak për aksidentin tragjk që ju mori jetën dy të rinjve.
Viktima, Kristjan Margjoni
Makina e aksidentuar
Makina e aksidentuar
