Arbër Basha: Kastrioti i ka të gjitha mundësitë të qëndroj në Superiore, kemi kualitet e cilësi
Nga OraNews Përditësimi i fundit 12 Dhjetor 2021, 22:49
Futbollisti i Kastriotit, Arbër Basha, shprehet se ekipi i tij i ka të gjitha mundësitë të qendrojë në Superiore.
Në një intervistë për emisionin "Ora Sport" në RTV Ora, Basha thotë se ekipi i Kastriotit nuk bie nga kategoria për këtë vit.
Sipas Kastriotit tabela e klasifikimit të ekipeve nuk është reale.
Arbër Basha: Mendoj që ekipi i Kastriotit ka shumë premisa për të qendruar në kategori dhe jam shumë i bindur për këtë, sepse unë e njoh të gjithë ekipin dhe përgatitjet që bën në bazë javore. Për momentin mendoj se tabela e klasifikimit nuk është reale. Duhet të kishim shumë më shumë pikë. Mendoj që ekipi ynë nuk bie nga kategoria këtë vit.
