I moshuari: Pensioni nuk na del, nuk ngopemi me bukë
Nga OraNews Përditësimi i fundit 11 Nëntor 2021, 11:59
Sa të kënaqur janë të moshuarit nga pensionet ?
Ai i del pensionistëve shuma që marrin për të përballuar shpenzimet e muajit?
Në një intervistë për gazetaren e Ora News, Enxhi Musai, një 85-vjeçar thotë se është i pakënaqur nga pensioni, që merr dhe se nuk i del as për nevojat bazike.
Intervista e plotë:
Gazetarja: Sa është pensioni që merrni?
Pensionisti: Por po them 200 mijë lekë.
Gazetarja: Si e bëni ndarjen e parave, a të mjaftojnë si e përballoni?
Pensionisti: Jo nuk dalin, nuk dalin, me vështirësi.
Gazetarja: E keni ndjerë rritjen e çmimeve?
Pensionisti: Po po,patjetër që e kemi ndjerë nuk i përballojmë.
Gazetarja: Si ia bëni, ju ndihmojnë fëmijët?
Pensionisti: Çfarë do bëjmë nga e keqja.
Gazetarja: Është premtuar nga Instituti i Sigurimeve Shoqërore që në 2022 do të ketë një rritje të pensioneve me 2.3-3%, a ju gëzon ky fakt ?
Pensionisti: Nuk e dua fare, çfarë e dua është kot fare. 2 mijë lekë, nuk përballohen, po kursejmë dhe për të ngrënë me vështirësim me uri. Të na i rrisin pak pensionet jo 3 mijë lekë.
Gazetarja: Nëse do ta linin ty në dorë të përcaktoje shumën e parave që do të kishe për pension, sa do të doje ta kishit pensionin?
Pensionisti: 300 mijë lekë./Ora News/
