Mësim mes plehrash, prindërit: Situata është e rrezikshme, të hiqen menjëherë
Nga Edisona Skënderi Përditësimi i fundit 26 Tetor 2021, 13:46
Oborrin e shkollës Qemal Haxhihasani dhe grumbujt e mbeturinave, i ndajnë vetëm kangjellat e rrethimit të objektiti.
Dhjetëra nxënës bashkëjetojnë çdo ditë me plehrat, ndërsa Bashkia nuk i shoh ato. Të shqetësuar prindërit, denoncojnë gjendjen alarmante.
"Mos hidhen plehrat këtu. Në prag të fëmijëve të vegjël."
"Ka qenë gjithmonë shqetësuese."
Ata thonë se kanë frikë për shëndetin e fëmijëve.
"Gjithë fëmijët rrinë afër plehrave. Do marrin ndonjë infeksion."
Edhe fëmijët apelojnë për ndërhyrje.
"Duhen marrë masa se s'bën për mirëmbajtjen e koshave."
Punonjësit e Bashkisë së Elbasanit e cila drejtohet nga Gledian Llatja sapo kanë parë praninë e kamerave televizive në zonë, kanë nisur pastrimin e mbetjeve të cilat po qëndronin prej ditësh para objektit të shkollës.
