Vrasja e dyfishtë në Vlorë, momenti kur policia konfiskon armën e gjahut
Nga OraNews Përditësimi i fundit 25 Tetor 2021, 20:16
Ky është momenti teksa policia ka konfiskuar armën e gjahut me të cilin u kryer krimi i dyfishtë sot në fshatin Mekat të Vlorës.
Një oficer policia i veshur me dorashka ma marrë armën e gjahut “teke” nga vendi i ngjarjes dhe për t’i bërë verifikimet e nevojshme.
Shtetasi G. K., 39 vjeç, dyshohet se pas një konflikti për motive pronësie ka vrarë me armë gjahu xhaxhain e tij, shtetasin J. K., 64 vjeç, e më pas edhe veten.
Ndërkohë, disa të afërm thonë se xhaxha e nip, po punonin bashkë te ullinjtë kur ka ndodhur ngjarja.
Ata thonë se nuk kanë qenë në dijeni të ndonjë konflikti mes tyre, ndërsa një zonjë tregon se 39-vjeçari ishte i pamartuar.
