Spiropali-Bashës: Nuk jemi në garë, raporti i KE-së foli për zgjedhje të ndershme dhe luftë drogës
Nga OraNews Përditësimi i fundit 25 Tetor 2021, 18:36
Elisa Spiropali, ministrja për Punët me Parlamentin nuk e ka lënë pa përgjigje kryedemokratin Basha në Kuvend.
Duke iu referuar deklaratave të këtij të fundit, Spiropali u shpreh se Shqipëria nuk është në garë me asnjë vend, por është në garë me rajonin për të plotësuar kushtet për integrimin.
Spiropali tha se në raportin e Komisionit Evropian nuk flitet për masakër zgjedhore, por flitet për zgjedhje të ndershme, luftë kundër korrupsionit dhe drogës.
Spiropali: Shqipëria nuk është në garë as me Ganën, as me ndonjë vend tjetër. Është në garë me rajonin, për të plotësuar detyrat për integrimin. Ajo që ju treguar me foto është një raport i një instituti dhe nuk shikoni raportin e Komisionit të Bashkimit Evropian që e thotë qartë që Shqipëria ka plotësuar kushtet për konferencën ndërqeveritare. Madje edhe atdheu juaj i dytë Holanda ka votuar pr0 konferencës ndërqeveritare për Shqipërinë.
Që nga 2013-ta e deri sot Shqipëria ka vijuar të përmbushë kushtet deri te Reforma në Drejtësi që e latë në kthetrat e politikës. Ju i shpëtuar kësaj drejtësie. Nuk flitet për masakër zgjedhore, por flitet për zgjedhje të ndershme, luftë kundër korrupsionit dhe drogës. Është e paimagjinueshme që lideri i opozitës të dalë në Kuvend dhe t’u drejtohet partnerëve tonë që Shqipëria nuk e meriton të jetë në BE. Keqardhje që problemet e brendshme tuajt reflektohen në fjalën tënde. Ne po mbajmë shënim apo që ju po thoni që të përgjigjemi në seancën e ardhshme. Ne do të mbajmë përgjegjësi për sa i përket qeverisjes.
