Ambasadorja Kim takon ministren e Financave: Rregullat e qarta dhe gjykatat e pastra do të tërheqin investimet amerikane
Nga OraNews Përditësimi i fundit 8 Tetor 2021, 15:40
Ambasadorja e SHBA është takuar me Ministren e Financave dhe Ekonomisë Delina Brahimaj.
Lajmin e ka bërë me dije Kim në një postim që ka bërë në rrjetet sociale, ku shkruan se SHBA i bën thirrje Shqipërisë për forcimin e masave kundër pastrimit të parave dhe për luftën kundër korrupsionit.
Kim shkruan se rregullat e qarta dhe gjykatat e pastra do të tërheqin investimet amerikane.
“U takova dje me ministren e re të Financave dhe Ekonomisë, Delina Ibrahimaj për ta uruar atë për emërimin. SHBA nxit forcimin e masave kundër pastrimit të parave, mbështet fiskalizimin dhe digjitalizimin e procedurave për të përmirësuar taksimin, transparencën dhe llogaridhënien. Rregulla të qarta, procese efikase dhe gjykata të pastra do të tërheqin investimet amerikane, si dhe mbrojnë nga aktorët e këqij. Kjo është lidhja mes demokracisë, mbrojtjes dhe biznesit”, shkruan ambasadorja Kim.
Ky është takimi i parë që Kim ka zhvilluar me Brahimajn, pasi kjo e fundit ka marrë postin e Ministres se Financave.
