Martesat e së njëjtës gjini? Shqiptarët po reflektojnë por kur vjen puna brenda shtëpisë së tyre.....
Nga OraNews Përditësimi i fundit 21 Shtator 2021, 09:44
Çfarë mendimi keni për martesat e së njëjtës gjini?
Kjo ishte tema e rubrikës Vox Pop me Enkin në emisionin Ditë e Re.
Ndryshe nga disa vite më parë kur të gjithë ishin kundër dhe flisnin me një gjuhë urrejtjeje, tani qytetarët tregohen më të rezervuar, duke respektuar zgjedhjen e secilit individ, por kur vjen puna për fëmijët e tyre apo që një realitet i tillë të jetë në familjen e tyre atëherë puna ndryshon.
"Nuk jam dakord, kam mendimin më të keq, nuk janë punë për ne, ne shqiptarët nuk e pëlqejmë", këto ishin përgjigjet më të shpeshta të qytetarëve.
Sigurisht ka dhe nga ata qytetarë që janë pro martesave të personave të së njëjtës gjini.
"Është e drejta tyre", tha një qytetare
Megjithatë disa qytetarë u shprehën kategorikisht kundër martesave të së njëjtës gjini dhe se nuk do ta toleronin as te fëmijët e tyre.
Por ka dhe nga ata që konsiderojnë shpëtim martesën e fëmijëve tyre me partner të gjinisë së kundërt, pasi në këtë mënyrë nuk 'ia kanë frikën' martesës brenda së njëjtës gjini.
Na ndiqni çdo ditë në " Ditë e Re" nga e hëna në të premte në orën 07:00 deri 10:00 në ekranin e Rtv Ora, nën shoqërinë e Arjola Shehu dhe Arjon Muça.
