Aksidenti tragjik në Qafën e Muzinës: Shoferi për të shmangur përplasjen me fuoristradën përfundoi në greminë
Nga OraNews Përditësimi i fundit 26 Gusht 2021, 20:45
Pesë persona humbën jetën në një aksident që mori përmasat e një tragjedie ne aksin Sarandë Gjirokastër pasditen e 26 gushtit 2021.
Një furgon pasagjerësh i linjës Sarandë Tiranë doli nga rruga dhe përfundoi në një greminë nga rreth 20 metra lartësi në qafën e Muzinës.
Mjeti u shkatërrua plotësisht ndërsa pasagjerët mbetën të bllokuar brenda tij. Fillimisht ishin udhëtarët ata që tentuan t'i nxjerrin dhe i dhanë ndihmën e parë të mbijetuarve.
Ndërsa forcave zjarrrfikëse iu desh të presin dyert e furgonit dhe disa orë punë për të nxjerrë trupat e pajetë që kishin mbetur të bllokuar.
Viktimat e aksidentit
1- Bardhyl Proda 51 vjeç banues në Sarandë – Shoferi
2- Fiqiri Korça, 77 vjeç, banues në Tiranë - pasagjer furgoni
3- Dritë Korça, 72 vjeçe, banuese në Tiranë, pasagjer furgoni
4- Tetiana Fediaieva, 48 vjeçe, banuese në Ukrainë pasagjer furgoni
5- Olesandr Fediaieva , 53 vjeç, banues në Ukrainë pasagjer furgoni
Emrat e të plagosurve
1- Greta Daberdini, 25 vjeçe banuese në Fier
2- Rexhina Çelhaga, 22 vjeç, drejtuese Land Rover
3- Ana Koskovila, 23 vjeçe banuese në Itali (pasagjere në Land Rover
4- Giulia Parimi, 22 vjeçe, banuese në Itali (pasagjere në Land Rover).
Baba i tre fëmijëve
Drejtuesi i mjetit është identifikuar si Bardhyl Proda, është mes viktimave. Ai mësohet se ishte baba i 3 fëmijëve dhe kishte vite që bënte linjën Tiranë Sarandë.
Përplasja fatale
Policia tha zyrtarisht se shkak për ngjarjen e rëndë u bë përplasja e furgonit me këtë makinë fuoristradë që drejtohej nga një vajzë 22 vjeçare.
Nga të dhënat e para, fuoristrada i ka dalë përballë furgonit pas një parakalimi të gabuar dhe shoferi në tentativë për të shmangur përplasjen ka humbur kontrollin e mjetit që përfundoi në greminë.
Lagështia në rrugë po ashtu besohet se ndikoi në aksidentin tragjik, por ekspertët e policisë ende nuk e kanë thënë fjalën e fundit.
Mesazhet e ngushëllimit
Presidenti Ilir Meta përmes një mesazhi u bëri thirrje drejtuesve të automjeteve të tregojnë përgjeshmëri në timon dhe policinë rrugore e strukturat e tjera të të marrin masa efektive për të parandaluar tragjeditë në rrugë.
