Merimangat më toksike nga vapa, në Fier javët e fundit janë regjistruar 10 pickime
Nga Inelda Vallja Përditësimi i fundit 9 Korrik 2021, 14:27
I nxehti i ka bërë më të rrezikshme merimangat.
Ekspertët thonë se për shkak të temperaturave të larta dhe vapës, në verë ato janë edhe më toksike.
Vetëm javët e fundit në Fier kanë kërkuar ndihmën e mjekëve 10 persona. Shqetësuese situatën nuk e bën vetëm “vejusha e zezë” por edhe ato të llojeve të tjera.
"Merimanga është më helmuese sesa zvarranikët," thotë mjeku.
Mjeku toksikolog Lulzim Banushaj thotë se disa prej rasteve janë paraqitur në gjendje mjaft të rëndë por për fat të mirë deri më tani nuk janë regjistruar fatalitete.
"Vijnë në gjendje shoku, pa puls, pa tension, me dhimbje shumë ët forta të gjoksit," thotë ai.
Nuk kanë munguar as pickimet nga zvarranikët.
"Kemi pasur 5 raste, 4 nepërka dhe 1 gjarpër. Nepërka është më helmuese sesa gjarpëri," tha mjeku.
Mjekët apelojnë qytetarët, veçanërisht fermerët që punojnë në ara të tregojnë kujdes pasi pickimet nga merimangat dhe zvarranikët mund të çojnë deri në humbje jete.
