Po vjen 25 Prilli, KQZ miraton renditjen, PSD e Tom Doshit nr. 1, LSI 6, PD-AN 9 dhe PS 12
Nga OraNews Përditësimi i fundit 18 Mars 2021, 14:05
Dhjetë parti dhe 2 koalicione do të jenë pjesë në zgjedhjet e 25 prillit. Komisioni Qendror i Zgjedhjeve ka konfirmuar aplikimin edhe të 5 kandidatëve të pavarur teksa janë refuzuar dy koalicione.
Komisioni Qendror i Zgjedhjeve hedh shortin për renditjen e partive politike në fletët e votimit
Partia Socialiste do të ketë numrin 12 në fletën e votimit, Lëvizja Socialiste për Integrim do të jetë në vendin e gjashtë
Partia e Tom Doshit do të jetë numri 1 në fletën e votimi, Koalicioni i Partisë Demokratike do të jetë numri 9 në fletën e votimit, ndërsa Partia Socialdemokrate e para.
Renditja në fletën e votimit, në vendin e dytë Balli Kombëtar, 3. Lëvizja Demokratike e Shqipërisë, 4. Bindja Demokratike, 5. Koalicioni AOKBPEK, 7. Nisma Thurje, 8. Lëvizja e Re, 10. Aleanca Demokracia e re, 11. Lëvizja për Ndryshim
Janë 12 subjekte zgjedhore dhe 5 kandidatë të pavarur do të marrin zyrtarisht pjesë në zgjedhjet e 25 prillit.
Komisioneri Shtetëror, Ilirian Celibashi, ka miratuar listat e kandidatëve të 10 partive politike dhe 2 koalicioneve. Për shkak të mungesës në dokumentacion është refuzuar formacioni aleanca kombëtare si dhe Aleanca .
Nga Koalicioni Aleanca nga 7 parti, vetëm 2 prej tyre kanë arritur të gjejnë mbështetje dhe të plotësojnë kriteret për të marrë pjesë n zgjedhje.
Pavarësisht mungesë së dokumentacioni përfaqësuesi i këtij subjekti kishte një kërkesë për Celibashin, por që u refuzua nga Komisioneri.
Lexo dhe: Prokuroria e Përgjithshme nis verifikimet për tre kandidatë të 25 Prillit
"Partitë e kanë pasur të pamundur për shkak të mungesës së mbështetjes për të garuar. Vendos refuzimin e listave shumë-emërore të koalicionit Aleanca për zgjedhjet për Kuvend të Shqipërisë të datës 25 prill 2121," tha Celibashi.
Gjithashtu në parlamentaret e 25 prillit, 3 kandidatët e vetëvendosjes, Debreshi në Dibër dhe Pal Shkëmbi në Shkodër do të kërkojnë të marrin mandat deputeti pavarësisht vështirësive.
Edhe Pal Shkëmbi shprehu pakënaqësi ndaj KQZ, pasi sipas tij kandidatura e tij është diskriminuar.
"Është vonuar shumë procesi për të më dhënë këtë të drejtë, sepse të tjerët kanë fillua fushatën me të drejtë e me të padrejtë, me media e shtëpi më shtëpi. Unë jam diskriminuar me thënë të drejtën," tha ai.
Burime bëjnë me dije se Celibashi do t’i propozojë Komisionit Rregullator modelin e fletës së votimit me emra, siç e ka kërkuar Partia Demokratike.
Subjektet dhe Renditja
1 Partia Socialdemokrate
2 Partia Balli Kombëtar
3 Partia Lëvizja Demokratike Shqiptare
4 Partia Bindja Demokratike
5 Koalicioni Aleanca Bashkimi Popullor
6 Lëvizja Socialiste për Integrim
7 Partia Nisma Thurje
8 Partia Lëvizja e Re
9 Koalicionit “Partia Demokratike – Aleanca për Ndryshim
10 Partia Aleanca Demokracia e Re
11 Partia Lëvizja për Ndryshim
12 Partia Socialiste
Gjithashtu janë regjistruar 5 kandidatë të pavarur
Iljaz Shehu, Lezhë
Kreshnik Merxhani, Gjirokastër
Boiken Abazi, Tiranë
Elton Debreshi, Dibër
Pal Shkambi, Shkodër
Lexo dhe: Bylykbashi shpjegon modelet e fletës së votimit: Duhet emri i kandidatit, jo numër
