Derbi në Kupë/ Juve me një këmbë në finale, Inter kërkon përmbysjen

Nga OraNews Përditësimi i fundit 9 Shkurt 2021, 17:29

Luhet sonte në mbrëmje akti i dytë i gjysmëfinales së Kupës së Itali Juventus-Inter.

Një javë pas suksesit të bardhezinjëve në “San Siro” (1-2), dy ekipet do të synojnë biletën për në finale e kompeticionit të dytë më të rëndësishëm në Itali.

Inter rigjen Lukakun dhe Hachim, që munguan në gjysmëfinalen e parë, ndërsa mbrëmjen e sotme mungojnë Vidal dhe Sanchez.

DEKLARATAT E TRAJNERËVE:

Andrea Pirlo: Ata janë shumë të organizuar. Ne e njohim mirë Conten, e dimë që kanë lojtarë shumë të forte. Kanë rikuperuar Hakimin dhe Lukakun, të cilët janë thelbësorë. Duhet të jemi të kujdesshëm.

Antonio Conte: Mendoj se me punë dhe duke përgatitur garën në mënyrën e duhur, mund të përmbysim gjithçka në Torino. Duhet ta luajmë ndeshjen me dëshirë dhe duke qenë determinantë e të bindur për fitore. Sepse për të mundur Juventusin, duhet bërë një ndeshje në kufijtë e perfeksionit.

PRECEDENTË DHE STATISTIKA

Kjo është ndeshja e 33-të mes Juventus dhe Inter në Kupën e Italisë. Bardhezinjtë regjistrojnë 15 fitore, 7 ndeshje janë mbyllur në barazim, ndërsa zikaltrit kaanë fituar 10 prej tyre.

Juventus ka shënuar 50 gola, kundrejt 39 të skuadrës milaneze.

Përballja e parë mes dy skuadrave në Kupën e Italisë daton në vitin 1936.

Në dy rastet e fundit ku Juventus dhe Inter janë përballur në ndeshjen e kthimit në Coppa Italia, ndeshja është vendosur nga gjuajtjet e penalltive: në 2003/04 dhe në 2015 / 16, ku në të dyja rastet ka triumfuar “Zonja e Vjetër”.

Suksesi i fundit i Interit në “Juventus Stadium” daton në nëntor 2012 në kampionat (1-3).

Që prej asaj date, 8 ndeshjet e luajtura në Torino kanë folur për Juventusin me 6 fitore dhe dy barazime, raporton Ora News.

Formacionet e mundshme:

JUVENTUS (4-2-3-1): Buffon; Cuadrado, Demiral, De Ligt, Danilo; Bentancur, Rabiot; Bernardeschi, Kulusevski, Chiesa; Ronaldo

INTER (3-5-2): Handanovic; Skriniar, De Vrij, Bastoni; Hakimi, Barella, Brozovic, Eriksen, Young; Lukaku, Lautaro.

Fituesi i Juventus-Inter do të luajë në finale me fituesin e çiftit Atalanta-Napoli.

/a.r,OraNews