Goli i 500-të? Ibrahimoviç: Kjo është puna ime, të shënoj

Nga OraNews Përditësimi i fundit 7 Shkurt 2021, 18:27

Zlatan Ibrahimoviç zhbllokoi rezultatin e ndeshjes mes Milanit dhe Crotones, pasi shënoi një gol të bukur në minutën e 30’, pas një shkëmbimi pasimesh mjaft të sakta me portugezin Rafael Leao.

Ky ishte goli numër 500 i gjigantit suedez në nivel klubesh, duke llogaritur ato të shënuara me fanellat e Malmo, Ajax, Juventus, Inter, Barcelona, Milan, PSG, Manchester United dhe Los Angeles Galaxy.

Por suedezi 39-vjeçar nuk u mjaftua me kaq. Ai shënoi edhe një tjetër gol në fitoren 4-0 të "Djallit" duke regjistruar edhe golin e 83 me fanellën kuqezi.

Pas ndeshjes, Ibrahimoviç, autori i 14 golave në Serie A këtë sezon, do të shprehej:

"Goli i 500-të? Do të thotë se kam bërë ndonjë në karrierë. E rëndësishme është të vazhdoj të ndihmoj skuadrën në mënyrën më të mirë. Kjo është puna ime, të shënoj", citon Ora News.

Golat e Ibrahimoviç me klubet:

PSG – 156 gola

MILAN – 83 gola

INTER – 66 gola

LA GALAXY – 53 gola

AJAX – 48 gola

MANCHESTER UNITED- 29 gola

JUVENTUS – 26 gola

BARCELONA – 22 gola

MALMO – 18 gola

Lexo edhe:

VIDEO/ “Poker” Crotones, Milani rimerr kreun e Serie A