PD akuza Kokëdhimës: Arkitekti i taksës progresive të Ramës, vetë nuk i paguan
Nga OraNews Përditësimi i fundit 9 Maj 2013, 18:52
Partia Demokratike ka vënë në qendër të sulmeve kandidatin për deputet të PS-së në Qarkun e Vlorës Koco Kokëdhimën. Gerti Bogdani, deputet i kësaj partie në një dalje për mediat akuzoi Kokdhimën se gjatë 11 viteve kur Rama drejtonte bashkinë, nuk ka paguar asnjë taksë. Pikërisht nga ky fakt, theksoi Bogdani, ai i projektoi Ramës edhe taksën progresive, për të zhvatur bizneset e tjera.“Qytetarët shqiptarë në fund e kuptuan se kush është arkitekti i filozofisë së rritjes së taksave dhe partizani fanatik i taksës progresive të Edi Ramës. Ai quhet Koco Kokëdhima, de facto kryetari i Partisë Socialiste, një antiperëndimor dhe ekstremist i majtë. Deputeti më i ri në Qarkun e Vlorës, biznesmeni Koco Kokëdhima e coi Edi Ramën drejt taksës progresive, paradoksalisht ai është i vetmi biznesmen në botë që lumturohet nga rritja e taksave, sepse ai nuk i ka paguar ndonjëherë ato dhe aq më pak ka ndërmend t’i paguajë në nën regjimin e Ramës nëse i jepet shansi”, tha Bogdani.Deputeti i PD-së shtoi më tej se, “kur Edi Rama ishte kryetar bashkie për 20 vite me radhë kandidati i PS-së për deputet në Vlorë, Koco Kokëdhima operonte në Tiranë me 14 kompani duke bërë evazion fiskal. Gjatë kësaj periudhe Rama i ka falur Kokëdhimës rreth 1,2 milion dollarë, duke mos i marrë taksat. Kjo është arsyeja që Kokëdhima kërkon rritjen e taksave për gjithë bizneset e tjera. Këtë herë ai e ka menduar më hollë, nuk do të rrijë me thesin hapur në paradhomën e zotit Rama, sic bëri 11 vite në Bashki, por do detyrojë me ligj të gjithë biznesmenët e tjerë shqiptarë të mbushin thesin e tij të hapur, me dëshirë, pa zhurmë. Kjo është politika e Edi Ramës për taksat, ai kërkon të rrisë taksat për të mos ia mbledhur kurrë ato Koco Kokëdhimës”
