Superliga Shqiptare java e 22-të
Nga OraNews Përditësimi i fundit 15 Prill 2013, 10:54
Superliga Shqiptare ka luajtur këtë fundjavë ndeshjet e vlefshme të javës së 22-të, e cila ka dhuruar shumë emocione dhe rezultate surprise, sidomos përsa i përket zonës për të siguruar një vend në kupat e Europës.Kryesuesi i kampionatit, Skenderbeu është shumë pranë titullit të tretë kampion radhazi pas fitores 2-0 ndaj Besës. Korçarëve u mjafton vetëm 1 pikë për tu shpallur automatikisht kampion të supërligës në këtë sezon futbollistik. Ajo që vlen të theksohet është fakti se Ujqërit e Dëbores kanë dominuar futbollin shqiptar që nga fillimi i kampionatit e deri në fund. Përveç vendit të parë të siguruar tashmë nga kampionët në fuqi, interesante po bëhet gjithnjë e më shumë sigurimi i një vendi në kupat e Europës. Pothuajse të gjitha skuadrat pretendente kanë pësuar disfatë duke i dhënë mundësi Kuksit që të ngjitet në vendin e dytë të renditjes. Këta të fundit kanë mundur Tiranën me rezultatin 2-1 duke hedhur një hap të rëndësishëm drejt zonës europiane. Përveç kryeqytetasve humbje në këtë fundjavë kanë shënuar edhe Flamurtari dhe Teuta, dy skuadra këto që pretendojnë seriozisht për të siguruar një vend në kupat e Europës.Vlonjatët janë shkatërruar në Krujë nga Kastrioti me rezultatin e pastër 3-0 në një ndeshje ku Krutanët kanë siguruar qëndrimin në kategorinë Superiore dhe kanë dominuar në 90 minutat e ndeshjes. Ndërsa Teuta është mundur në Shkodër me rezultatin 2-0. Deçiziv në këtë ndeshje kanë qenë dy golat e shënuar nga Smajli nga pika e pardhë e penalltisë.Në ndeshjet e tjera të kësaj fundjave Apolonia dhe Shkumbini kanë ndarë një barazim pa vlera 1-1 në Fier. Në Gjirokastër, Laçi ka fundosur më tej skuadrën e Luftëtarit, ndërsa në Ballsh, Bylis ka shkatërruar 4-1 Tomorin.Pas javës së 22-të, renditja e Superligës Shqiptare vijon të kryesohet nga:1 Skënderbeu 522 Kukësi 403 Flamurtari 394 Teuta 396 Vllaznia 357 Tirana 355 Laci 348 Kastrioti 319 Bylis 2910 Besa 2711 Shkumbini 2012 Luftëtari 1813 Tomori 1214 Apolonia 10
