Drafti për përgjimet, debate në Komisionin e Ligjeve
Nga OraNews Përditësimi i fundit 29 Tetor 2012, 10:51
Mazhoranca dhe opozita janë përfshirë në debate politike në komisionin e ligjeve teksa diskutonin për ligjin për përgjimet elektronike. Nënkryetari socialist i komisionit Fatmir Xhafaj tha se ky projektligj mund të krijojë hapësira për abuzime në përgjimet dhe se sipas tij krijohen institucione paralele përgjimi. Ndërsa deputetja e selisë rozë Ermonela Felaj akuzoi maxhorancën se ka përgjuar opozitën dhe diplomatët në Tiranë në mënyrë të paligjshme.Për këtë akuza depueteti demokrat Genti Strazimiri tha se opozita po përpiqet të gjejë justifikime elektorale pasi mazhoranca sipas tij nuk ka arsye të përgjojë opozitën.Ndërkaq me votat e mazhorancës dhe me abstenimin e opozitës komisioni kaloi në parim këtë projektligj ndërsa nen për nen do të diskutohet këtë të martë pasi depuetët të njihen me raportin e prokurorisë së përgjithshme të bërë në komisionin e sigurisë.
