Kosovë, dëshmia në Prokurori: 250 mijë euro për vrasjen e Xhavit Halitit
Nga OraNews Përditësimi i fundit 18 Mars 2015, 12:31
Nuk ndodh vetëm në Shqipëri. Në Kosovë janë paguar 250 mijë euro për vrasjen e politikanit Xhavit Haliti.Kosova.net shkruan se Prokuroria e Shtetit të Kosovës ka një dëshmi për një plan vrasjeje me pagesë të Xhavit Halitit. Në dëshminë në formë deklarate të shkruar thuhet se vrasja ishte paguar 250 mijë euro nga Ibrahim Kelmendi, ndërsa ekzekutimin do të duhej ta kryente Florim Ejupi.Një dëshmitar që pretendon se ka qenë pjesë e një grupi kriminal të përfshirë në disa vrasje, kërcënime, shantazhe e kidnapime, është deklaruar i gatshëm të tregojë para Prokurorisë për këtë që ai e ka quajtur plan.Dëshmitari i ka telefonuar Halitit, duke i kërkuar falje paraprakisht se ka qenë pjesë e këtij grupi. Pasi i ka treguar për këtë plan, ia ka dhënë një deklaratë të shkruar. Deklarata në zyrën e ushtruesit të detyrës së Kryeprokurorit të Shtetit, Sylë Hoxha, është dorëzuar nga vetë Xhavit Haliti
