Mbi 600 familje në Kukës, në pritje të zhbllokimit të fondit
Nga OraNews Përditësimi i fundit 13 Shkurt 2015, 12:02
Mbi 600 familje të pastreha të qytetit të Kukësit, vijojnë që të jenë në pritje të lëvrimit të kredive me interes të ulët.Që nga koha e pezullimit të kësaj kredie, pas abuzimeve që u regjistruan në qytete të ndryshme, deri tani në Këshillin Bashkiak, ku dhe hartohen listat e përfituesve, nuk ka mbërritur asnjë shkresë për zhbllokimin e banesave socialeBasri Elezi, Kryetar i këshillit bashkiak Kukës : “Gjithë familjet e Kukësit vijnë nga përmbytja e Fierzës dhe janë të pastrehë. Numri ka shkuar në 600 deri në 700. Po ikin nga fshatrat për mënyrën e jetesës. Ne kemi akoma qytetarë të para viteve ’90 që janë shumë të vuajtur nga këto probleme”.Në qytetin e Kukësit numri i familjeve të cilat kanë aplikuar në bashki për t’u trajtuar me kredi për blerjen e banesave vjen duke u rritur, ndërkohë që ka nga ata që prej vitit 1990 ende nuk kanë mundur të përfitojnë.
