SHBA, takim kundër terrorizmit në 18 shkurt
Nga OraNews Përditësimi i fundit 12 Janar 2015, 07:51
Shtetet e Bashkuara thonë se do të organizojnë një takim të nivelit të lartë në Uashington muajin e ardhshëm për masat për parandalimin e ekstremizmit të dhunshëm, ndërsa udhëheqësit evropianë dhe amerikanë bëjnë thirrje për masa të rrepta për të vëzhguar veprimtarinë e njerëzve në internet dhe në kufi.Prokurori i Përgjithshëm Eric Holder njoftoi për takimin e 18 shkurtit nga Parisi ku mori pjesë në një konferencë urgjente për terrorizmin pas akteve terroriste të kësaj jave në Francë, ku gjetën vdekjen 17 persona.Në një deklaratë, Shtëpia e Bardhë tha se takimi do ta vërë theksin tek “praktikat më të mira dhe përpjekjet” e disa komuniteteve që kanë programe pilot për të luftuar ekstremizmin.
