Rikthehet moti i keq, temperatura do të zbresin nën zero pas të hënës
Nga OraNews Përditësimi i fundit 11 Janar 2015, 21:56
Nëse kjo fundjavë riktheu pothuajse në të gjithë vendin diellin dhe temperaturat deri në 15 apo 16 gradë në disa rrethe, fillimi i kësaj jave do të shënojë krejt të kundërtën.Temperaturat do të ribien përsëri, deri në -1 gradë celcius në Shqipërinë e Mesme e deri në -15 apo -16 gradë celcius në veri të vendit.Gjithsesi moti do të jetë i kthjellët, me erëra të ftohta dhe të forta, por që nuk do të shoqërohen me reshje shiu.Erërat e ftohta me origjinë polare do të pushtojnë vendin që prej të hënës për të rikthyer sërish diellin dhe temperaturat normale fundjavën e ardhshme, pas valës së të nxehtit që ka pushtuar një pjesë të Italisë fqinje, ku në disa qytete temperaturat janë si të mesit të gushtit.Nata do të jetë e ftohtë, me temperatura që mund të arrijnë edhe në kryeqytet deri në -4 dhe -5 gradë celsius, ndërsa gjatë ditës temperaturat do të arrijnë deri në 11 apo 12 gradë celsius.I gjithë kontinenti europian do të përfshihet nga një tjetër valë e të ftohtit të acartë, me përjashtim të Italisë e cila do të jetë pjesa më e nxehtë e Europës, me temperatura mbi mesataren.Zonat malore do të pushtohen sërish nga reshjet e deborës, me temperatura disa gradë nën zero.
