Tmerr në Librazhd, foshnja mbytet me tollumbace në çerdhen shtetërore
Nga OraNews Përditësimi i fundit 9 Dhjetor 2014, 16:25
Një foshnje 10 muajshe ka humbur jetën në çerdhe, pasi gëlltiti një copë tullumbaceje.Skandali është shënuar në një çerdhe të qytetit të Librazhdit, ku prindërit kishin dërguar vajzën e tyre të vogël duke e lënë nën kujdesin e edukatoreve, por neglizhenca e tyre ka qënë fatale për jetën e foshnjës 10 muajshe.Pas ngjarjes së rëndë të denoncuar nga prindërit, policia ka shoqëruar Drejtoren e çerdhes, Lindita Deda, dhe dy edukatoret, Shpresa Koci dhe Filoreta Blloshmi.Ndërsa Drejtori i spitalit të Librazhdit, Kujtim Albrahimaj thotë se vogelushja është paraqitur në spital dhe menjëhere është futur në sallë operacioni, por pa mundur ti mbijetojë vdekjes.“Është lajmëruar urgjentisht mjekja reanimatore, e cila e ka ngjitur në sallën e reanimacionit dhe është munduar me ato proçedurat e veta për ta rikthyer në jetë por ka qenë e pamundur.Në moment që është konstatuar vdekja e fëmijës nga ana jonë janë bërë proçedurat zyrtare, është njoftuar policia dhe Ministria e Shëndetësisë. Ngjarjen e ka marrë në dorë policia.Është kryer autopsia nga mjeku specialist i mjekësisë ligjore të Tiranës dhe është konstatuar që është shkaktuar vdekja e fëmijës nga një trup i huaj në rrugët e frymëmarrjes”.Pas autopsisë, mjekët kanë deklaruar se “vdekja e vogëlushes ka ardhur nga asfiksia si shkak i bllokimit te frymëmarrjes, për shkak të bllokimit të rrugeve të sipërme respiratore nga nje trup i huaj, që i është gjetur në fyt”.[caption id="attachment_433962" align="alignright" width="640"]
Në foto: Krevati i çerdhes ku vogëlushja humbi jetën[/caption][caption id="attachment_433978" align="alignright" width="640"]
Në foto: Çerdhja në Librazhd ku humbi jetën vogëlushja[/caption][caption id="attachment_433979" align="alignright" width="640"]
Në foto: Çerdhja në Librazhd ku humbi jetën vogëlushja[/caption]
