Shqipëri-Spanjë, ngjashmëri në kulturë dhe tolerancë
Nga OraNews Përditësimi i fundit 4 Dhjetor 2014, 18:26
Shqipëria dhe Spanja janë dy vende të cilat krahas dallimeve midis tyre kanë edhe ngjashmëri, të cilat lidhen më tepër me kulturën dhe tolerancën.Ka qenë ky thelbi i diskutimeve në tryezën e organizuar nga shoqëria e hapur për ShqipërinëBashkim Shehu shkrimtari i cili njeh mirë kulturat e të dyja vendeve deklaroi se si Spanja ashtu edhe Shqipëria janë vënde të cilat kanë ngjashmëri jo vetëm historike por edhe në kulturën patriarkale.Drejtori i Institutit të Dialoguit dhe Komunikimit Pirro Misha deklaroi se periudha e tranzicionit si në Shqipëri ashtu edhe në Spanjë u përjetua në mënyra të ndryshme dhe kjo për shkak të elitës politike e cila ka pasur një rol kyç, dhe kjo është çfarë i dallon dy vendet. Por Misha vuri theksin tek kriza e besimit që mbizotëron në Shqipëri.Të njëjtin mendim ndau edhe Drejtori i Inisiativës për shoqërinë e hapur në Europë Jordi Vaquer i cili deklaroi se ashtu si në Shqipëri edhe ne Spanjë mbizotëron mungesa e besimit tek institucionet, pasi qytetarët ndihen të tradhtuar pasi shohin se në vendin e tyre ka mjaft problem.
