PS mbledh Kryesinë, në fokus strategjia elektorale
Nga OraNews Përditësimi i fundit 20 Janar 2013, 08:26
Partia Sociaslite ka mbledhur për herë të parë në këtë vit elektoral Kryesinë për të diskutuar për fushatën zgjedhore dhe strategjinë për fitore në zgjedhjet e 23 qershorit.Mbledhja e kryesisë po zhvillohet me dyer të mbyllura ndërsa në fokus të mbledhjes është organizimi i strukturave dhe strategjia e komunikimit me qytetarët deri në ditën e zgjedhjeve.Një pjesë e rëndësishme e organizimit është edhe censusi i brendshëm për regjistrimin dhe identifikimin e votuesve që përfshin kontaktin e drejtpërdrejtë me çdo votues dhe përgatitjen e listave të detajuara me njerëzit që do të votojnë në 23 qershor.Në lidhje me censusin, Kryesia pritet të përcaktojë edhe detajet se si do të përgatiten tabelat me rezultatet e këtij verifikimi derë më derë të çdo votuesi, të çdo emigranti por dhe të mundësisë së organizimit të kthimit të tyre për të votuar.Forumi i lartë socialist do te diskutojë edhe organizimin e shtabeve elektorale dhe strukturën e tyre nga selia qëndrore tek çdo qendër votimi.Në rendin e ditës, parashikohet që kryesia të marrë një vendim për qëndrimin e deputetëve socialistë në lidhje me ndarjen e mandateve, por edhe të diskutoje organizimin e PS-së për 2-vjetorin e demonstratës se 21 janarit ku humbën jetën 4 prostestues.Mbledhja e Kryesisë i paraprin Asamblesë Kombetare, e cila do të mblidhet në 25 janar .
