Zgjedhjet lokale në Maqedoni, më 17 ose 24 mars
Nga OraNews Përditësimi i fundit 9 Janar 2013, 10:53
Zgjedhjet lokale në Maqedoni pritet të mbahen në fund të muajit mars të këtij viti. Kështu theksojnë mediat në Maqedoni të cilat theksojnë se data e pranueshme për këto zgjedhje pritet të jetë 24 marsi dhe se publikimin e saj do ta bëj kryeparlamentari Trajko Veljanovski. Ky vendim pritet të ndodhë ditën e premte.Sipas Ligjit për zgjedhje, zgjedhjet lokale duhet të mbahen ditën e diel në gjysmën e dytë të muajit mars, kështu që kryetari i Parlamentit Trajko Veljanovski pritet të vendos për 17 dhe 24 marsin e këtij viti.Menjëherë pas publikimit të datës për zgjedhjet, partitë fillojnë edhe zyrtarisht të emërojnë kandidatët e tyre, ndërsa lista e këshilltarëve duhet të publikohet 25 ditë para fillimit të zgjedhjeve. Partitë politike nuk kanë dhënë detaje dhe propozime lidhur me datën për mbajtjen e këtyre zgjedhjeve.
