Flamurtari aktiv në merkato, gati firmat me Bulkun, Likën dhe Smajlin
Nga OraNews Përditësimi i fundit 25 Maj 2014, 17:49
Flamurtari duket një nga ekipet më aktive në këtë merkato verore. Vlonjatët janë vënë në kërkim të një portieri për të zëvendësuar Shpëtim Moçkën e larguar në fundin e sezonit. Emri më i lakuar është portieri i Tiranës, Ilion Lika. Në fakt, ky i fundit u afrua te Flamurtari në verën e vitit të kaluar, madje zhvilloi edhe fazën përgatitore, por më pas, me shkrirjen e ekipit u largua. Por, tashmë Lika ka dalë sërish në skenë. Nisur edhe nga pëlqimi që trajneri Gjoka ka për portierin e Tiranës. Nga sa mësohet drejtuesit vlonjatë kanë gjetur akordin dhe tashmë pritet vetëm zyrtarizimi.Përveç Likës, në vlorë po qarkullojnë edhe 2 emra të tjerë. Mesfushori Ervin Bulku dhe mbrojtësi, Dritan Smalji do të jenë pjesë e Flamurtarit për sezonin e ardhshëm. Bulku ka përfunduar aventurën në Iran dhe duket se ka rënë dakort për të luajtur tek Flamurtari. Smajli është një emër që pëlqehet nga trajneri Gjoka, për krahun e djathtë të mbrojtjes. Shumë shpejt do të vijnë dhe firmat e këyre 3 futbollistëve.
