Çezare Prandelli, i tërheq vëmendjen Mario Balotellit
Nga OraNews Përditësimi i fundit 18 Dhjetor 2012, 10:42
Mario Baloteli bëhet përsëri objekt diskutimi në mediat ndërkombtare ndërsa kësaj radhe për ta këshilluar i vjen në ndihmë trajneri i Kombëtares Italiane.Gjatë një deklarate për shtyp tekniku i Axurrëve, Çezare Prandelli, i ka tërhequr vëmendjen sulmuesit Mario Balotelli, duke e paralajmëruar se rrezikon të djegë karrierën e tij me gjërat që po bën.Sipas mediave britanike bëhet e ditur se sulmuesi me ngjyrë ka hedhur në gjyq Manchester City-n për një gjobë që klubi i ka vënë atij dhe kjo situatë po shtyn gjithnjë e më shumë klubin ta izolojë, ashtu si trajneri Mançini që ka filluar të mos e grumbullojë as në 18-she, duke e dërguar të shohë ndeshjet nga tribuna."Mançini ka të drejtë, Balotelli duhet medoemos ta dëgjojë atë që i thotë. Një trajner mund të të ndihmojë shumë, por pastaj gjithçka varet nga vetë futbollisti", ishin fjalët e trajnerit të Kombëtares Italiane, për të cilin SuperMario mbetet zgjedhja e parë në repartin e sulmit.Sipas tij, zgjidhja nuk do të ishte kthimi në Itali, por aktivizimi më me rregullsi i këtij lojtari, pavarësisht vendit që ai zgjedh për të shprehur talentin e tij si futbollist."Për ne, si staf i Kombëtares, e rëndësishme është që futbollisti të mund të ketë një vazhdimësi. Ky nuk është problem që ka të bëjë me qytetin apo shtetin ku luan", tha ai, duke bërë të qartë se do të ishte njëlloj i kënaqur nëse Balotelli do të vazhdonte te City, për sa kohë që arrin të luajë vazhdimisht më këtë skuadër.
