Zhivkoviç: Kosova është e pavarur
Nga OraNews Përditësimi i fundit 8 Dhjetor 2012, 09:56
Ish-kryeministri i Serbisë, Zoran Zhivkoviç ka theksuar se Kosova defakto është e pavarur.“Vetë fakti që Ivica Daçiç si kryeministër i Serbisë po bisedon me kryeministrin e Kosovës tregon një fakt të mjaftueshëm që po njihet Kosova”, ka thënë Zhivkoviç. Serbia, sipas tij, nuk duhet ta pranoj kurrë Kosovën, por kjo nuk do ta zvogëloj pavarësinë faktike.“Statusi i Kosovës është zgjidhur, por ka mbetur ende punë në lidhje me mbrojtjen e serbëve që jetojnë atje”, ka thënë Zhivkoviç për gazetën serbe ”Danas”. Sipas tij, atë që sot po bën qeveria aktuale serbe, është dashur të bëhet me herët. Ai ka thënë se radikalët e rinj dhe socialistët demokratë e kanë rastin e fundit që ta zgjidhin lëshimin e madh që bën liderët e tyre të dikurshëm, Sllobodan Millosheviç dhe Vojisllav Sheshel.
