Vrasja e Fatbardha Tafës, Prokuroria: Burg përjetë Aldo Hoxhës
Nga OraNews Përditësimi i fundit 23 Tetor 2013, 10:28
Vrau për një varëse, Prokuroria kërkon burgim të përjetshëm për Aldo Hoxhën. Janë dashur 25 seanca gjyqësore, pas dëgjimit të dëshmitarëve dhe paraqitjes së fakteve që organi i akuzës të kërkojë dënimin kapital për 20-vjeçarin.Gjatë leximit të pretencës prokurori Endrit Bime argumentoi para gjykatës se për Aldo Hoxhën ka fakte të pakundërshtueshme që është vrasësi i Fatbardha Tafës. Sipas prokurorit në vendngjarje është gjetur kapelja, e cila i përkiste 20 vjeçarit dhe në të janë gjetur fije floku të tij dhe njolla gjaku të viktimës.Në seancë kanë qënë të pranishëm edhe familjarë të Aldo Hoxhës, të cilët nuk e kanë pritur mirë kërkesën e organit të akuzës. Ata u shprehën jashtë kameras se shumë shpejt do të zbradhet e vërteta e kësaj ngjarje.Hoxha akuzohet se 7 gushtit e vitit 2012 vrau Fatbardha Tafën në tentativë për ti grabitur asaj varësen që mbante në qafë. Një mister i pazgjidhur në të gjithë këtë histori vazhdon të jetë bashkëpunëtori i Aldo Hoxhës në grabitjen e cila solli humbjen e një jete. Ndërkohë seanca e radhës ku pritet ndoshta edhe vendimi është data 6 nëntor.
