Zëdhënësi: Blair, ndihmë pa kosto për Shqipërinë. Do ta ndihmoj për në BE
Nga OraNews Përditësimi i fundit 4 Tetor 2013, 10:00
Zëdhënësi i ish kryeministrit britanik Tony Blair ka deklaruar për mediat e huaja se ndihma e tij për Shqipërinë është falas. Pas vizitës së Blair në Tiranë dhe takimit të tij me kryeministrin shqiptar Edi Rama mediat e huaja raportojnë se puna më e fundit e ish kryeministrit britanik është të ndihmojë Shqipërinë të anëtarësohet në Bashkimin Europian. 
“Z. Bler dhe ekipi i tij do të ofrojë këshilla pa asnjë kosto për qeverinë shqiptare, per implementimin dhe zbatimin e një axhende reformash”- citohet zëdhënesi i tij nga Daily Mail.
Sipas tij, ashtu si Bler ka thënë edhe me parë se Rama të bëhej kryeminister ai do të ishte i lumtur ta ndihmonte, atë dhe Shqipërinë në rrugën drejt integrimit.“Ai e ka uruar atë dhe shikon përpara për të punuar me të në të ardhmen”- vijon zëdhënësi, duke kujtuar se Kosova dhe ndihma e dhënë atje ka një rëndësi të madhe për të.“Rama, i cili u betua si kryeministër muajin e kaluar, ka premtuar se do të krijojë 300.000 vende pune dhe do te reduktoje varfërinë. Një studim i kohëve të fundit tregon se një në shtatë shqiptarëve jetojnë me më pak se 2 $ (£ 1.20) në ditë”- shkruan Daily Mail.
Më tej artikulli vijon me një përshkrim të ekonomisë së vendit. “Shqipëria është një nga vendet më të varfra të Evropës , me një pagë mesatare prej 36.482 lekë ($ 361) në muaj”- shkruan Daily Mail, duke shtuar se kjo ndodh nderkohë kur lajmet thone se Blair ka një faturë shumë të kripur për udhëtimet me avion privat.
