Opozita çon në Kushtetuese aktin normativ. Halimi: Kërkojmë të shpallet si antikushtetues
Nga OraNews Përditësimi i fundit 3 Tetor 2013, 09:59
Opozita dërgon në Gjykatën Kushtetuese aktin normativ për shtyrjen në fuqi të ligjit për nëpunësin civil.Opozita kërkon shpalljen si të papajtueshëm me kushtetutën të aktit normativ numër 5 datë 30.09 2013 të këshillit të ministrave për disa ndryshime në ligjin numër 153/2013 për nëpunësin civilKërkesa e cila është firmosur nga 1/5 e deputetëve të opozitës është dorëzuar nga ish-ministri i drejtësisë Eduard Halimi i cili ka theksuar se opozita kërkon shpalljen si antikushtetues të aktit normativ si dhe pezullimin e menjëhershëm të efekteve të tij."Dorëzuam kërkesën për ta shpallur ai antikushtetues aktin normativ të qeverisë që e bëri zero një ligj me shumicë të cilësuar të miratuar në Kuvend. Kërkojmë shpalljen si antikushtetues të këtij akti që kryeministri vendosi në mënyrë flagrante dhe pezullimin e efekteve të tij në mënyrë të menjëhershme. Kushtetuta është shtylla kryesore mbi të cilat bazohet çdo shtet demokratik. Kushtetuta duhet të respektohet nga cilido, parlamenti duhet të respektohet ndryshe ç`kuptim ka që parlamenti merr ligje dhe ato ç`bëhen nga kreministri i vendit" tha Halimi.Kreu I PD-së Lulzim Basha e cilësoi pabesi burracakësh, vendimin e qeverisë për ta shtyrë me 6 muaj hyrjen në fuqi të ligjit për statusin e nënpunësit civil.Ai theksoi se është koha që tani të flitet me qytetarët me fakte për mashtrimet elektorale dhe bëmat e kësaj qeverie.
