Shkodër, plagos me thikë dy vëllezërit për pronën, njëri në gjendje të rëndë
Nga OraNews Përditësimi i fundit 11 Shtator 2013, 22:40
Konflikti për pronën ka rikthyer edhe njëherë në vëmendje krimin brenda familjes. Ngjarja ka ndodhur në fshatin Kuç të komunës Guri i Zi në Shkodër, kur Mark Zefi 37 vjeç ka plagosur me thikë dy vëllezërit e tij Ardian dhe Pal Zefin 40 dhe 27 vjeç pas një debati lidhur me pronën.Mësohet se Marku pasi ka debatuar me vëllain e tij më të madh Ardianin e ka qëlluar atë me thikë. Në konflikt është përfshirë edhe vëllai i vogël Pali, i cili duke tentuar të mbrojë vëllain e madh është goditur gjithashtu me thikë.40-vjeçari është dërguar në gjendje të rëndë në Spitalin Rajonal të Shkodrës, ndërsa vëllai tjetër i plagosur mësohet se është jashtë rezikut për jetën.Ndërkaq policia e mbërritur në vendngjarje po punon për kapjen e autorit të plagosjes së dy vëllezërve.
