Vllaznia në kërkim të një trajneri për të zëvendësuar Bushatin
Nga OraNews Përditësimi i fundit 9 Korrik 2013, 12:41
Edhe pse në përfundim të sezonit pretendohej për një Vllazni të madhe dhe pretendente për kampion në Super Ligë, gjërat duket se kanë ndryshuar rrënjësisht pas zgjedhjeve në Shqipëri.Largimi i Presidentit, Agron Çela, dhe kalimi i klubit nën drejtimin e Bashkisë, pritet të sjellë të tjera ndryshime rrënjësore jo vetëm në kontigjentin e lojtarëve por edhe në drejtimin e skuadrës. Pas Çeles i cili u kishte premtuar tivozëve shkodran se do të rikthente Vllazninë në majat më të larta të futbollit shqiptarë nga drejtimi i skuadrës pritet që të japë lamtumirën edhe tekniku Artan Bushati. Ky i fundit ka patur probleme shëndetsore dhe po kurohet në Itali.Përgatitja për sezonin e ri nuk ka nisura akoma pikërisht për këtë fakt ndaj pritet që sa më shpejt të sqarohet çështja e teknikut shkodran i cili në Janar nënshkroi një kontratë 1 vit e gjysëm me klubin Vllaznia. Duke qenë se sezoni i ri fillon shpejtë, drejtuesit e klubit kuqeblu po mendojnë alternativat e mundshme për të zëvendësuar teknikun Bushati. Emri më kryesor që qarkullon për momentin është ai i teknikut Agim Cana, i cili edhe më parë ka drejtuar ekipin shkodran.Në listën e drejtuesve të klubit ndodhen edhe trajnerë të dalë nga akademia e qytetit të Shkodrës, siç janë Armando Cungu tekniku aktual i Kukësit apo edhe Elvis Plori. Në listën e gjatë të stafit të kuqebluve nuk përjashtohet edhe mundësia e një trajneri që vjen nga jashtë Shqipërisë si Mojash Radonjiç dhe Naxhi Shansojhë, i njohur tashmë në futbollin shqiptar pasi ka drejtuar më parë skuadrën e Bylisit.Në lidhje me ndryshime trajnerësh në skuadrat shqiptare, Besa ka përcaktuar përfundimisht se kush do të jetë trajneri i saj i ri për sezonin e ri. Drejtuesit e klubit kavajas kanë zgjedhur t'i besojnë stolin Ramadan Shehut, në kampionatin që do të startojë në Gusht. Skuadra kavajase ishte pa trajner që nga fundi i sezonit të kaluar pas largimit të Përparim Daiut.
