Gjirokastër, shpërthen automjeti, digjen brenda në kabinë 3 anëtarë të një familje
Nga OraNews Përditësimi i fundit 30 Qershor 2013, 17:53
Tre persona, me lidhje familjare, humbën jetën aksin rrugor Gjirokastrës-Tepelenë, pasi mjeti me të cilin udhëtonin u përplas dhe më pas shpërtheu menjëherë në flakë.
Viktima të aksidentit mbetën Laurent Mançellari 28 vjec, i ati i tij, Luan Mançellari 62 vjec, vellai i tij Faik Mançellari 57 vjec, që të tre nga Qafë Gjashta e Sarandës.Ngjarja ndodhi pasditen e së dielës, në afërsi të fshatit Mashkullore, ndërsa tre anëtarët e familjes Mançellari, po ktheheshin nga Greqia me mjetin e tyre Fiat me targa greke ZHI 793.
Mjeti tip FIAT është përplasur me një bordurë anësore të rrugës dhe mënjëherë më pas ka shpërthyer në flakë, duke djegur brenda dhe pa u dhënë mundësinë për të dalë tre personat që udhëtonin në të.Për shuarjen e flakëve që përfshinë mjetin ishte e nevojshme ndërhyrja e forcave zjarrfikëse, por edhe këta të fundit u përballën me vështirësi, pasi flakët kishin përfshirë të gjithë mjetin, duke shkrumbuar gjithçka që kishte brenda, përfshirë edhe trupat e tre burrave të familjes Mançellari.Fillimisht edhe policia e Gjirokastrës pati vështirësi në identifikimin e tre viktimave, pasi flakët e zjarrit kishin shkrumbuar edhe dokumentat e tre personave që udhëtonin në mjetin e përfshirë në flakë.Policia lokale e Gjirokastrës ka nisur një hetim të plotë për sqarimin shkaqeve të aksidentit të rëndë me bilancin tragjik të tre personave të vdekur.
