PD kërkon 30 bashki, Bumçi i përgjigjet Gjiknurit: Opozita fiton më shumë se gjysmën
Nga OraNews Përditësimi i fundit 17 Janar 2023, 17:29
Sekretari i Përgjithshëm i Partisë Socialiste, Damian Gjiknuri, është i bindur se forca e tij politike në 14 maj do të fitojë të paktën 40 bashki.
Por për demokratët e renditur në krah të Berishës, llogaritë nuk qëndrojnë.
Aldo Bumçi në intervistën për Ora News shprehet se PD dhe aleatët e saj kanë të sigurta mbi 30 bashki.
"Do jemi mbi 30 bashki. Në 2015 fituam 16 bashki të vetëm. Partia e Lirisë nuk ishte në aleancë me ne dhe fitoi 9 bashki, PDIU fitoi 3 bashki. Rreth 10 bashki të tjera janë lënë për dhjetëra dhe qindra vota."
Çështjen e vulës Bumçi e konsideron të tejkaluar e për këtë kërkon zbatimin e vendimit të shkallës së parë që ka legjitimuar Sali Berishën si kryetar.
"Një opozitë nuk krijohet në gjykatë, krijohet nga njerëzit e lirë që mbushën bulevardin. Gjykata e shkallës së parë ka vendosur në favorin tonë, njeh vendimin e 11 dhjetorit."
Për Bumçin, situata e emigracionit është shqetësuese, teksa për krimin shqiptar në Britani e drejton gishtin te qeveria e kryesuar nga Edi Rama.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
