Presidenti Begaj viziton Finiqin, takim me minoritetin grek
Nga OraNews Përditësimi i fundit 21 Dhjetor 2022, 18:13
Presidenti i Republikës, Bajram Begaj, vizitoi sot Finiqin, ku u takua me përfaqësues të pushtetit lokal si dhe intelektualë të spikatur të minoritetit grek.
Presidenti Begaj ka vizituar Parkun Arkeologjik të Finiqit, i shoqëruar dhe nga Prefekti i Qarkut Vlorë, Flamur Mamaj, kryetari i Bashkisë së Finiqit, Kristo Kiço, deputetët e qarkut Anila Denaj dhe Niko Kuri.
“Finiqi ka një potencial të jashtëzakonshëm, veçanërisht turistik, që mund të ndihmojë më tej në zhvillimin e zonës. Natyra, historia dhe kultura e Finiqit, duhen shfrytëzuar në mënyrë që të krijohen mundësi zhvillimi të qëndrueshme për të gjithë zonën”, u shpreh Presidenti Begaj.
Gjatë qëndrimit në Finiq, presidenti Begaj së bashku me kryetarin e Bashkisë zhvilluan dhe një takim kortezie me intelektualë të zonës.
