Aksidentimi i trailerit me targa bullgare paralizon autostradën Tiranë-Elbasan, radhë kilometrike
Nga Edisona Skënderi Përditësimi i fundit 20 Dhjetor 2022, 20:23
Orët e mbrëmjes së kësaj të marte, 20 dhjetor, kanë sjellë trafik të rënduar në autostradën Tiranë-Elbasan.
Kjo ishte situata e krijuar në hyrje të Elbasanit, me radhë kilometrike automjetesh.
Ora News mëson se shkak është bërë aksidenti i pasdites, ku një trailer me targa bullgare humbi kontrollin dhe doli nga rruga, duke bllokuar njëri krah të rrugës dhe shkaktuar vështirësi në lëvizje.
Situata vijon e tillë prej disa orësh dhe nuk dihet sesa do të zgjasë, pasi ky aks ka qarkullim të lartë.
Sipas burimeve kamioni është i mbushur me lëndë të rrezikshme (dyshohet ngarkesë plumb) dhe është e pamundur nga mjetet e policisë që ta spostojnë.
Është kërkuar ndihmë e specializuar, ndërkohë trafiku arrin më shumë se 3 km.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
