Noka: Rama miratoi hapjen e dosjeve të viktimave, jo xhelatëve, do të njollosë Ilir Metën
Nga OraNews Përditësimi i fundit 21 Tetor 2022, 21:42
I ftuar në RTV Ora, deputeti demokrat Flamur Noka u shpreh se Partia Demokratike dhe opozita ka një qëndrim të prerë për çështjen e dënimit të krimeve të komunizmit.
Sipas tij, ligji që miratoi dje Rama hap dosjet e viktimave, është një ligj për viktimat. Nuk dënohet komunizmi nëse s’ke dënuar xhelatët.
Noka: Partia Demokratike dhe opozita ka një qëndrim të prerë për çështjen e dënimit të krimeve të komunizmit dhe për nomenklaturën që ka bashkëpunuar me regjimin. Ne kemi paraqitur në kuvend një ligj lustracioni dhe dënon xhelatët. Çdokush që synon që të jetë pjesë e politikës dhe qeverisjes duhet të kalojë këtë vetting. Ligji që miratoi dje Rama hap dosjet e viktimave, është një ligj për viktimat. Nuk dënohet komunizmi nëse s’ke dënuar xhelatët.
Askush nuk e ka pasur pengesë që të verifikojë dosjet e tij. Dosjes e para ’90 nuk janë të klasifikuara, por ky ligj që u miratua mbrëmë është i inskenuar në kuzhinën e Ramës për të bërë gjueti shtrigash, sidomos nga aleatit tonë Ilir Meta. Askush nuk bën ligj për të hequr njerëz nga politika me ligj, nëse nuk e heq dot me votë. Kjo është kriminale.
Noka shtoi se Ilir Meta është një nga personalitete kryesore të politikës në 32 vjet demokraci dhe se ky ligj bëhet për ta njollosur atë.
Noka: Ilir Meta është një nga personalitete kryesore të politikës në 32 vjet demokraci. Është një njeri që sot drejton një parti dhe deri dje ishte president. Kur guxojnë të sajojnë përralla për ta njollosur atë, imagjinoni se çfarë i bën një qytetari të thjeshtë. Ne si parti nuk kemi asnjë problem me këtë gjueti shtrigash.
