Vlorë, 32-vjeçari plagoset me sende të forta pas konflikti
Nga OraNews Përditësimi i fundit 20 Tetor 2022, 16:17
Një 32-vjeçar mbeti i plagosur mesditën e sotme në Vlorë.
Ngjarja ka ndodhur rreth orës 13:50, në vendin e quajtur “Stacioni i trenit”.
Dyshohet se si pasojë e një konflikti me sende të forta, për motive të dobëta, ka mbetur i dëmtuar shtetasi E. J., 32 vjeç, i cili ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për identifikimin dhe kapjen e autorit dhe për sqarimin e plotë të rrethanave të ngjarjes.
