Gjendet një makinë e shkrumbuar totalisht në një fshat të Fierit
Nga OraNews Përditësimi i fundit 10 Tetor 2022, 18:51
Në afërsi te fshatit Shtyllas në Fier është gjetur një automjet i tipit Mercedes Benz, i shkrumbuar totalisht.
Makina është pa targa dhe dyshimet janë qe mund ti jetë vendosur flaka qëllimisht.
Mësohet se kanë qenë banorë të zonës ata që kanë parë flakët e kanë njoftuar forcat zjarrfikëse. Makina është gjetur në një rrugë dytësore, lidhëse me bypassin e Fierit.
Dyshimet se makina mund të jetë përfshirë në ndonjë ngjarje kriminale kanë bërë që të nis puna për identifikimin e pronarit të mundshëm të automjetit nëpërmjet numrit të shasisë e detajeve të tjera, që i kanë shpëtuar djegies.
"Rreth orës 17:30, në aksin rrugor Fier-Levan, në anë të rrugës së fshatit Shtyllas, është gjetur i djegur plotësisht një automjet tip "Benz”, pa targa." - njofton policia.
Në vendngjarje ka shkuar grupi hetimor dhe po punon për zbardhjen e plotë të rrethanave të ngjarjes.
