Yuri Kim në kryesinë e Kuvendit me Shalsin dhe Kotin për amnistinë fiskale
Nga OraNews Përditësimi i fundit 7 Tetor 2022, 12:14
Ambasadorja amerikane Yuri Kim ka zhvilluar një takim prej gati 45 minutash në Kryesinë e Kuvendit me kryetarin e komisionit të ekonomisë, socialistin Eduart Shalsin.
Pjesë e takimit ishte nënkryetarja e Komisionit të Ekonomisë, deputetja demokrate Sorina Koti.
Gazetarja e Ora News Fjorela Beleshi raporton se tema e diskutimit me dyer të mbyllura, sipas burimeve per Ora News ishte amnistia fiskale.
PS pavarësisht kundërshtive të ndërkombëtarëve është e angazhuar ta çojë deri në fund.
Nëse projketligji i saj shkon në Kuvend, komisioni i ekonomisë do të jetë pjesë për ta shqyrtuar.
Kjo amnisti e pengon Shqipërinë drejt rrugës europiane dhe nëse shkon në Kuvend duhen diskutuar edhe ndryshimet që duhen bërë.
Edhe çështja e pasaportave gold do të jetë një nga çështjet që do të diskuthen nga komisioni i ekonomisë nëse shkon në kuvend. Kjo pasi mendohet se ajo i hap rrugë parave të pista.
Ky takim ka një risi, pasi zonja Koti është ndër deputetet e para që ka takuar ambasadorja Kim e radhitur në krah të kreut të PD-së Sali Berisha.
Zonja Koti ka deklaruar se pas këtij takimi do të ketë dhe një deklaratë për shtyp.
