Kujtohet beteja e Postribës/ Berisha: Rrezikojmë monizmin, edhe sot në betejë
Nga OraNews Përditësimi i fundit 9 Shtator 2022, 14:03
Në nderim të 28 të pushkatuarve pa gjyq në kryengritjen e Postribës kundër partisë komuniste, Sali Berisha u përkul në memorialin e rezistencës.
Duke vlerësuar përpjekjen e banorëve të Shkodrës e Malësisë ai theksoi se 76 vite më parë populli u ngrit në betejën ndaj monizmit. Teksa solli në vëmendje dhe komunikimin mes Enver Hoxhës dhe Mehmet Shehut.
Sali Berisha: Do ti shkruante Enver Hoxhës në kuptimin ushtarak “Shkodrën e vendosëm nën pushtim”.
Për Berishën përshkrimin më të mirë të pushtimit komunist e ka thënë At Zef Pllumbi.
Sali Berisha: U hoq sot flamuri kombëtar aty ku ishte dhe u vendos flamuri jugosllav.
Për kreun e PD edhe sot situate është e njëjtë, teksa akuzoi Ramën për korrupsion.
Sali Berisha: Përjeton vendosjen e një partie e të pushtetit të përqendruar në duar e një cubi që nuk ka moral nuk ka nder nuk ka asgjë dhe ky është Edi Rama.
Pas ceremonisë përkujtimore në konferencën për gazetarët, I pyetur mbi shpalljen non grata prej SHBA dhe së fundimi aluduar dhe se prej BE, Berisha thekson se beteja nuk ndalet.
Sali Berisha: Asgjë në botë nuk do të mundet kurrë të ndalojë këtë projekt. Ky tren nuk ndalet.
Berisha u ndal dhe në publikimin e Ilir Metës prej Autoritetit të Dosjes. Duke kërkuar hapjen e plotë të dokumentit ai e konsideroi një gjueti shtrigash politike situatën.
Sali Berisha: Unë e pashë se ai ishte hartuar në zyrën e Edi Ramës nga ish oficer policie. A nuk tregon kjo se kemi të bëjmë me një gjah shtrigash të pastër politik.
Edhe një herë kreu i PD theksoi situatën e vështirë ekonomike të vendit duke theksuar se paketa e ndihmës e qeverisë është e pamjaftueshme.
Sali Berisha: E provoi Enver Hoxha, do të dështojë edhe ky.
