Ngeci midis shkëmbinjve, policia e Gramshit i vjen në ndihmë turistes nga Peruja

Nga OraNews Përditësimi i fundit 27 Gusht 2022, 20:46

Një turiste nga Peruja mbeti e bllokuar sot në "Ujëvarën e Sotirës" në Gramsh.

Policia thotë se duke eksploruar me këmbë zonën, ka mbetur e bllokuar midis shkëmbinjve, për shkak të terrenit të vështirë e të thepisur.

Menjëherë pas marrjes së njoftimit, shërbimet e Komisariatit të Policisë Gramsh dhe shërbimet mbështetëse, janë nisur në drejtim të zonës ku kishte mbetur e bllokuar turistja.

Si rezultat i reagimit të menjëhershëm dhe punës së mirorganizuar, punonjësit e Policisë kanë bërë të mundur nxjerrjen e turistes nga terreni i vështirë ku ishte bllokuar, të cilës, më pas, i është ofruar shërbimi mjekësor dhe aktualisht ndodhet në gjendje të mirë shëndetësore.