I dehur në makinë. Detaji si Dorian Keqi ra në duart e policisë, vrasësi me pagesë i ish kreut të OST në Veri
Nga Edison Vatnikaj Përditësimi i fundit 26 Korrik 2022, 12:00
Ora News ka mësuar detaje të reja nga arrestimi i Dorjan Keqit 49 vjecarit nga Kruja. Sipas burimeve të sigurta arrestimi i të cilësuarit si vrasës me pagesë erdhi pasi efektivët e policisë rrugorë kanë konstatuar në Lezhë një automjet i cili lëviztë në mënyrë të dyshimtë.
Pas kontrollit policia ka konstatuar se brenda mjetit lëvizte Dorjan Keqi por pa arritur të identifikonin si vrasës me pagesë.
Pasi është kryer testi i alkoolit ka rezultuar në gjëndje të dehur dhe me pas është kryer arrestimi i tij për veprën penale të dhënies së automjetit në gjëndjë të dehur, por ndërkohë që po bëhej gati masa e sigurisë ndaj tij në atë moment kanë ardhur edhe përgjigjet e gjurmëve të gishtërinjve të 40 vjeçarit nga Kruja.
Sipas analizave daltiloakopike ka rezultuar se personi i ndaluar për drejtim mjeti në gjëndje të dehur ishte vrasësi i Sajmir Jakut dhe autori i plagosjes së Gjergji Prengës në vitin 2016 në Rrëshen.
Për këtë arsye atij i është ndryshuar masa e arrestit ku tashmë do të përballet me akuza më të rënda.
