Gara shpejtësie me motor në rrugën Tiranë-Elbasan, makina inteligjente “fundos” 33-vjeçarin
Nga OraNews Përditësimi i fundit 4 Korrik 2022, 22:22
Policia ka arrestuar një 33-vjeçar, pasi është kapur nga “makina inteligjete, duke bërë gara shpejtësia.
Policia bën me dije se në rrugën interurbane Tiranë-Elbasan është konstatuar një motomjet, tip Kawasaki, duke bërë manovra të rrezikshme në rrugë. I riu është arrestuar në flagrancë, ndërsa mësohet se ai ishte pa leje drejtimi. Po ashtu sipas policisë, ai është vendosur një gjobë prej 40.000 lekë të rinj.
Njoftimi i plotë:
Makina inteligjente ndjek dhe kap motomjetin që bënte gara shpejtësie dhe manovra të rrezikshme në rrugë.
Gjatë kontrolleve parandaluese për mjetet që bëjnë gara shpejtësie dhe manovra të rrezikshme, në rrugën interurbane Tiranë-Elbasan është konstatuar një motomjet, tip Kaëasaki, duke bërë manovra të rrezikshme në rrugë.
Nga verifikimi i dokumentacionit rezultoi se drejtuesi i motomjetit shtetasi S. K., 33 vjeç, drejtonte motomjetin pa leje drejtimi.
Në vijim të veprimeve u bë arrestimi në flagrancë i shtetasit S. K. për veprën penale “Drejtimi i mjeteve në mënyrë të parregullt” si dhe iu vendos masë administrative me vlerë 40.000 lekë të rinj.
