(Foto & Video) Fenerbahce shkatërron Tiranën në miqësoren e fundit të kampionëve
Nga OraNews Përditësimi i fundit 25 Qershor 2022, 19:10
Tirana ndalet në miqësoren e fundit në tokën turke nga nënkampionët në fuqi të Ligës së Parë, Fenerbahce. Verdhezinjtë dhe skuadra kampione e Shqipërisë u ndeshën në një nga fushat e komplekseve stërvitore të Stambollit ku bardhelutë janë akomoduar që prej rreth dy javësh.
Pas suksesit 2-0 ndaj Shkupit dhe barazimit në sfidën e dytë me Hermannstadt, skuadra e drejrtuar nga Orges Shehi u thye me rezultatin 4-0 në ndeshjen që i shërbeu shumë teknikut kampion për të kuptuar edhe më shumë gjendjen e skuadrës në prag të sfidës së raundit të parë të Champions League që do të luhet në datën 6 kundër Dundelange.
Trajneri durrsak hodhi në fushë formacionin më të mirë dhe mori sinjale të pjesshme nga pjesa më e madhe e lojtarëve, përfshirë edhe të rinjtë apo Albano Aleksi që zbriti në fushë që nga minuta e parë përkrah Limajt.
