Më shumë domate, bien fasulet
Nga OraNews Përditësimi i fundit 25 Qershor 2022, 14:20
Gjatë vitit 2021 prodhimi i perimeve në Shqipëri u rrit me rreth 3 për qind duke shkuar në 1 milion e treqind mijë tonë.
Është Fieri që prodhon rreth gjysmën e totalit e më tej Tirana e Berati.
Sa i përket drithërave edhe pse kërkesa në tregjet botërore është e lartë rritja u arrit vetëm në 1 për qind.
Pothuajse e njëjta situatë është edhe me pataten ku në 12 muaj u prodhuan rreth 250 mijë tonë ku peshën kryesore e mban Korça, Fieri dhe Elbasani.
Por teksa prodhimi i drithërave dhe patateve ka njohur rritje fermerët po heqin dorë nga fasulja ku krahasuar me një vit më parë ka shënuar rënie me rreth 13 për qind.
Gjithashtu prodhimi i perimeve të thata ka shënuar nje rritje me 7 dhe 4 për qind. Në vend prodhohet kryesisht domatja, kastraveci e më pas speci. Në grupin e perimeve të thata, qepa e thatë përfaqëson 85 për qind të totalit.
Sa i përket serave ato për faqësojnë 22 për qind të prodhimit total ku gjysma gjenden në Fier.
