Foto/ VIDEO/ Barriera mbrojtëse metalike mes për mes makinës. Aksidenti i frikshëm në Korçë
Nga Iris Rezhda Përditësimi i fundit 25 Qershor 2022, 14:18
Një aksident i rëndë është shënuar mesditën e sotme në aksin rrugor Maliq-Pogradec.
Aksidenti u shënua rreth orës 13:50 në afërsi të fshatit Gurishtë.
Shtetasi Ilirjan Ceci, duke drejtuar mjetin tip "Audi", dyshohet se ka humbur kontrollin e mjetit dhe ka dalë nga rruga dhe është përplasur me barrierën mbrojtjëse metalike, e cila nga pamjet duket se ka përshkuar tej për tej makinën ku udhëtonin dy persona.
Për pasojë kanë marrë dëmtime drejtuesi Ceci dhe pasagjeri shtetasi Shpëtim Beqiri, të cilët u dërguan për mjekim në Spitalin e Korçës.
Është dashur ndërhyrja e zjarrfikësve për të nxjerrë drejtuesin nga makina, informon Ora News.
Mësohet se gjendja e shoferit, mosha 65-70 vjeç, paraqitet e rëndë. Makina vinte nga Pogradeci drejt Korçës.
Grupi hetimor po punon për sqarimin e rrethanave të ngjarjes dhe përcaktimin e shkaqeve të aksidentit. Paraprakisht dyshohet se shkak është shpejtësia e lartë ose përgjumja e shoferit.
