Mjekja e njohur emërohet zv/ministre e Shëndetësisë

Nga OraNews Përditësimi i fundit 15 Qershor 2022, 18:23

Këshilli i Ministrave është emëroi sot Entela Ramosaçaj në detyrën e zëvendësministres  së Shëndetësisë dhe Mbrojtjes Sociale

Mjekja infeksioniste ka qenë në vijën e parë të mjekëve që kanë përballuar pandeminë e Covid-19.

Vendimi u firmos nga zv/kryeministri

VENDIMI I PLOTE I QEVERISE

EMËRIM NË DETYRË


Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Entela Ramosaçaj emërohet zëvendësministër i Shëndetësisë dhe Mbrojtjes Sociale.

Ky vendim hyn në fuqi menjëherë.

K R Y E M I N I S T R I

EDI RAMA

Në mungesë dhe me porosi

ZËVENDËSKRYEMINISTRI

ARBEN AHMETAJ