Ambasadorët dalin në bjeshkë/ Diplomatët në Kosovë tur në luginën e Tropojës
Nga OraNews Përditësimi i fundit 6 Qershor 2022, 17:34
15 ambasadorë në Kosovë hoqën kostumin diplomatik dhe ndaluan në Tropojë. Ftesën për vizitë në Tropojë ua bëri amabsada e Shqipërisë në Prishtinë.
Përfaqësuesit diplomatikë shijuan në veri të Shqipërisë jo vetëm bukuritë natyrore por edhe ato të ushqimit.
Ambasadori i Shteteve të Bashkuara në Kosovë Jeffrey M. Hovenier (Xhefri M. Hoveniwr), tha se ndihet I mahnitur me natyrën dhe me mikëpritjen.
Jeffrey M. Hovenier: Ishte një kënaqësi absolute për t’u mikpritur nga qeveria shqiptare me trupat e tjerë diplomatike për të vizituar Luginën e Valbonës dhe rajonin e Tropojës. Është thjesht e lavdishme, e bukur, e pakrahasueshme. Ne bëmë hiking ditën e djeshme në Valbonë dhe tani jemi në hidrocentralet energjetike, është thjesht e bukur, jam i nderuar të jem këtu, për të shijuar ushqimin, veçanërisht njerëzit dhe shumë faleminderit për mikërpritjen tonë.
Edhe amabsadorja e Suedisë në Prishtinë Karin Hernmarck dhe ai I norvegjisë u shprehën të lumtur për vizitën në Luginën e Valbonës.
Karin Hernmarck: Jam shumë e kënaqur për këtë udhëtim të mundësuar nga ambasadori Qemal Minzhozi në luginën e bukur të Valbonës. E vlerësoj vërtet udhëtimin, për mikpritjen miqësore dhe natyrën e bukur, ishte një eksperiencë e shkëlqyer. Faleminderit!
Jens Erik Grondahl: Patem një ditë shumë të bukur këtu në Tropojë dhe në ujëvarën fantastike në malet e Valbonës. Shumë turistë vijnë këtu në natyrën fantastike që Shqipëria ka është një vend i bukur. Ju lutem ejani ta shihni këtë.
Ambasadorët ecën për disa kilometra në këmbë gjatë lagunës, ndërsa ata vizituan edhe hidrocentralin e Fierzës.
